Алғашқы матчын туелсіздіктәуелсіздік алған соң ғана, [[1960 жыл]]ы өткізіп, Франция Сомалиі құрамасын 9:2 есебімен ойсырата ұтты. Әлем чемпионатына алғаш рет [[Футболдан әлем чемпионаты 1982|1982 жылы]] қатысып, үш матчтың біреуінде де ұтылған жоқ. Тек қосымша көрсеткіштері арқылы ғана [[Италия Ұлттық футбол құрама командасы|Италия құрамасына]] екінші орынды беруге мәжбүл болды. Арада сегіз жыл өткен соң Италиядағы мундиалда әлемді таңғалдырып, алғашқы турда [[Диего Армандо Марадона|Марадона]] бастаған [[Аргентина Ұлттық футбол құрама командасы|Аргентина]] құрамасын ұтып кетті — 1:0! Айта кетейік, бұл матчта Камерунның екі бірдей ойыншысы алаңнан қуылған-ды. Бұл табыстың кездейсоқ еместігін келесі турда да дәлелдеді: [[Георг Хаджи]], [[Мариус Лэкэтуш]] секілді жұлдыздары бар [[Румыния Ұлттық футбол құрама командасы|Румыния]] бұлардың мықтылығын мойындады. Ал, ештеңені шешпейтін үшінші турда Ұлттық футбол құрама командасы|КСРО құрамасынан ұтыла салды (0:4). Камерун ертегісі мұнымен де бітпеді, 1/8 финалда 38 жастағы Роже Милланың шебер ойынының арқасында [[Колумбия Ұлттық футбол құрама командасы|Колумбияны]] ұтты (2:1). Ширек финалда да [[Англия Ұлттық футбол құрама командасы|Англияның]] өзімен 20 минут айқасты. Тек бұлардың қақпасына екі бірдей белгіленген 11 метрлік айып добы матч тағдырын шешті, Камерун 2:3 есебімен ұтылып, еліне қайтты.<br>
<br>
Бұл жетістік — әзірше құраманың әлемдік додалардағы жалғыз ғана мақтанышы. [[Футболдан әлем чемпионаты 1994|1994]] жылы топтан шыға алмады, тек 42 жасар [[Роже Милла]] әлем чемпионаттарында гол соққан ең қарт футболшы атанды. [[Футболдан әлем чемпионаты 1998|1998 жыл]]ы Камерун құрамасының еншісіне екі бірдей рекорд жазылды: құрама сапындағы 17 жасар [[Самуэль Это'О]] чемпионаттың ең жас футболшысы болып жылнамаға тіркелді, ал [[Ригобер Сонг]] әлем чемпионаттарында екі рет алаңнан қуылған тұңғыш футболшы болып тарихта қалды.<br>
