Ішкі геометрия

Ішкі геометрия– геометрияның беттің иілуі кезіндегі ішкі қасиеттерін зерттейтін саласы. Мыс., бет иілген кезде осы беттегі қисық сызық доғасының ұзындығы өзгермейді де, оның қисықтығы өзгереді. І. г-ның негізгі ұғымдарына қисық сызық доғасының ұзындығы, қисық сызықтардың қиылысу нүктесіндегі олардың арасындағы бұрыш, фигура ауданы жатады. Планиметрия жазықтықтың І. г-сын, ал сферадағы геометрия сфераның І. г-сын зерттейді. Иілген беттің І. г-сын екі өлшемді иілген кеңістіктің геометриясы ретінде де қарастыруға болады. Иілген кеңістік ұғымының дамуы нәтижесінде риман кеңістігі деп аталатын кеңістік теориясы жасалды.

Пайдаланылған cілтемелер