Тайыр Жомартбаев: Нұсқалар арасындағы айырмашылық

'''Жомартбаев Тайыр''', шын есімі Тайлақбай (1884, [[Шығыс Қазақстан облысы]], [[Абай ауданы]], Мұқыр ауылы – 1937, [[Семей]]) – педагог, [[жазушы]], драматург. Көкбай медресесінде білім алып, 1911 жылы [[Уфа|Уфадағы]] “Ғалия” медресесін бітірген. 1911 – 15 жылдары Семей қаласы маңындағы Жақия қажы мектебінде ер балаларға, әйелі Адығия Орманова қыз балаларға сабақ береді. Семейдегі “Жәрдем” баспаханасынан жастарды адамгершілікке, ізгілікке, оқу-білімге үндейтін “Балаларға жеміс” атты өлеңдер жинағы, төңкеріске дейінгі қазақ қыздарының әлеуметтік жағдайын көтерген “Қыз көрелік” (1912) романы басылып шықты. 1915 – 28 жылдары Зайсан қаласында, Маңырақ болысында мұғалім болып қызмет істейді. 1928 – 30 жылдары Семейдегі №14 мектептің директоры, 1930 – 37 жылы [[М.О. Әуезов атындағы педагогикалық колледжі|Семей педагогикалық техникумында]] оқытушы болған. Жомартбаев оқытушылықпен қоса журналистикамен де айналысып, [[Айқап|“Айқап”]], “Жаңа мектеп” журналдары мен [[Қазақ газеті|“Қазақ”]], [[Алаш (газет)|“Алаш”]] газеттеріне мақала, фельетондар жазып тұрды. [[Тайыр Жомартбаев|Жомартбаевтың]] “Сары сүйек құда”, “Осы ма, қазақ, өмірің?” атты пьесалары Зайсан, Семей театрларында қойылған. Кузнецк қаласында №23 мектепте жұмыс істеп жүрген кезінде жалған саяси жаламен тұтқындалып (1937), Семейде үштіктің шешімімен ату жазасына кесілген. 1956 жылы ақталды.<ref>Қазақ энциклопедиясы, 4 том;</ref><ref>Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>