Уикипедия:Уикилендіру: Нұсқалар арасындағы айырмашылық
Content deleted Content added
шӨңдеу түйіні жоқ |
ш Жамбыл мен Құлманбет айтысы атақты айтыстардың бірі. |
||
1-жол:
Жамбыл мен Құлманбет айтысы
Өз айтқанындай:
Жамбыл – айтулы айтыс ақыны «Өлең сөздің даңғылы». Айтыс – қазақ әдебиетіндегі негізгі жанр. Түркі халықтарының ішінде қазақ пен қырғыздарда барынша дамыған.
Айт-бұйрық райлы етістік, - ыс – ортақ етістің жұрнағы. Екі ақынның жұртшылық алдында өлеңмен қақтығысып, сайысып өнер көрсетуі. Бұл айтыс – сөз өнерінің сарапқа түсуі, ақындардың «алымдылығы мен шалымдылығын» таразылайды. Бұл – дала жағдайындағы сахналық өнер, поэзияны насихаттау және тарату, оны биік «қол жетпес» дәрежеге жеткізу. Көз алдында қызу кескілескен тіршілік тартысы – «ақ пен қараның» күресі жүріп жатады. Ақ, адал істерге сүйсініп, қараниетті тірліктерге күйсініп, «ойланып, толғанып» күн кешесің. Қызу майдан, кескілескен күресі сөзбен сомдаған сурет көз алдында лента бойымен жүріп жатады.
Айтыс – қазіргі кино мен театрдың ерен қызметін атқарған «айтысы» болып, баға жетпес кенен міндет атқарды.
Міне сондай айтыстың бірі – Жамбыл мен Құлманбет айтысы болып табылады. Жиылған жұрт алдында Жамбыл мен Құлманбет. Алғашқы сөзді Құлманбет бастайды. Айтыстың негізгі мазмұны: Құлманбет Албан. Дулат руы атынан, ал Жамбыл Шапырашты руы атынан айтысқа шыққан. Алғашқы сөзді Құлманбет былай бастап өзін таныстырады:
Құлманбет – менің атым, құлан аян,
Менің құлан екенім тәңірге аян.
Жамбыл деген бар – дейді бір немесі,
Ақын болса, ол неме қайда жатыр? – деп
Құлманбет дүлділ Жамбылға тиіседі.
Жамбыл деген бар – дейді бір немесі,
Ақын болса, ол неме қайда жатыр? – деп Құлманбет дүлділ Жамбылға тиіседі. Ақын – деп елі ардақтайды, кәне көрейін, ол «немені» - деп килігеді. Жамбылға кісі жіберіп, айтысуға шақыртып алады. Жамбыл келген соң бірінші айтқан жыр шумағы:
- Болғанда жол ағадан, тон жағадан,
Арлан бөрі соғады тау сағадан.
Бас қосып бағландармен қалмақ үшін, -
Ізденіп келіп тұрмын Қарқарадан – дейді Жамбыл.
Тіпті Құлманбет Жәкеңе «сәлемің мен аманың жоқ, үлгілі орта, тәрбие көрмеген «надан» деген сөгіс айтыды. Осы жерде омақасып орға түсіп, жеңілер жерің – деп екпіндейді. Айтулы Жәкеңді ақын емес, жай көп өлеңшінің бірісің – деп намысына тиеді.
Тіпті Құлманбет былай деп ақындық шабыт шақырады:
Албан аға болғанда, Дулат іні,
Сөзінде Құлманбеттің барма міні.
Албан, Дулат бәрі кеп айқай салса,
Шапыраштының не болар көрген күні?!
Қасқарау Нұрқанның жылқысын қаптатсам, Шапырашты, сенің бұзау, танаң қырылады – деп қыр көрсетеді Құлманбет. Төрт түлік мал өргізген Көбікбай, Қарабай, Сатыбалды, Қанай есімді байларын атайды. Тіпті «алма таратқан кісіге ат берген» Тілеу – қабыл Үсенбайдай игі жақсыларын атайды. Осындай бай – бағыланың бар ма – деп Жамбылға дөң айбатын үдете түседі Құлманбет.
Жамбыл Құлманбетке алғашқы қақтығыста – ақ былай дейді:
- Сөйлесем өдеңімді түптен бермен,
Құйылар сөз нөсері көктен, жерден.
Мылтықта түтеп тұрған мен бір пыстан.
Осы бір шумақ жыр жолының өзінен – ақ Жамбылдың теңдесі жоқ сөз зергері, айтыс ақыны айқын байқалады. Шабыты шалқар Жамбыл Құлманбетке: «Ажалыңа асықпай кел!» - деп сөзбен іліп тастайды. Мына тірлікте ажалға кім асықпай барған?! Осы бір сөздің өзі Жамбылдың кемел айтыс ақыны екенін бұлтартпай дәлелдейді.
Ерлігім ерлігіңе дөп келеді,
Байлығыңа байлығым еп келеді.
Кісіні дым білмейтін тапқандай – ақ,
Есіріп көрген жерден ентеледің? – деп Жамбыл Құлманбетке бір қайталанбас сөз «самалын» селдетеді. Біздің елдің жылқысын аралап шығу үшін жараулы атпен он күн жол жүресің – дейді Жамбыл Құлманбетке. Жамбыл «надан, неме» деген намысқа тиер сөздеріне «таз» Құлманбет, қу, пәлекет! – жұрт алдында орынды жауап береді.
Айтыс үстінде Жамбыл мен Құлманбет ұзын – ырғасы 10 рет сөз қақтығысына түседі. Жамбыл еліне қорған, халқына қамқор болған Қарасай, Саурық, Сұраншы, Өтеген, Сыпатай атты батырларын айтып, кісілікті, адамдықты жырлайды. Жамбылдың ұлылығы да осында жатыр. Халық – құдайдың бір аты. Халқы бардың қамы болған Халық – тарихтың қозғаушы, шешуші күші, айтулы тетік, түйіні. Осыны айқын түсінген ұлы Жамбыл Құлманбетпен айтысында:
- Адамдықты айт, ерлікті айт, батырлықты айт,
Ел бірлігін сақтаған татулықты айт.
Қарынбайдай сараңдар толып жатыр,
Оны мақтап, әуре болмай, жөніңе қайт!
деген осынау бір шумақ жыр жолдары аталған айтыстың негізгі түйіні, қорытындысы, тоқсан ауыз сөздің тобықтай түйіні болды.
Құлманбет – белгілі айтыс ақыны. Ол кезінде Түбек Жанақ, Майкөт, Жамбыл, Бақтыбай секілді ақылдармен сөз айтысына түскен, айтулы сөз зергерлерінің бірінен саналады.
Құлманбет Жамбылмен айтысында Албан, Дулаттың төрт күлікті тең өсірген байлық иелерін тілі жеткенше сыйпаттайды. Десе де олардың еңбекші елге жасап жатқан игілікті істерін, кісілігін, батырлығын, елдігін ынтымағын жеріне жеткізе айта алмайды. Байлық – игілікке, кісілікке қызмет етпей тұр. Елдің ынтымағы ұйыған сүттей болмай тұр. Оған ұйытқы болатын ел! – деп туған ерлер еңбегі жырланбай жатыр. Бұл айтыстағы негізгі тақырып, басты мәселе болатын.
Жамбыл Құлманбетпен айтысында ел ынтымағын, жұрт бірлігін негізгі нысаны етіп, елге қамқор болған ерлерді үлгі етеді. Сөйтіп салиқалы сөз салмақты ой айтып Құлманбетті жеңеді.
Айтыс – біздің әдебиетіміздің негізгі жанры, басты саласы. Айтыс – сөз өнерінің сап салтындай салмақты бөлімі, шеберліктің кемел кестесі, таланттың «шашасына шаң жұқтыртпас» тамаша жолы.
Айтыс өнері – қазірде даму, өрлеу үстінде келеді. Халқымызды ізгі адамгершілікке тәрбиелеп, кесірлі кемшіліктерден қашық болуға бағыттап отыр. Оған жер – жерде өтіп жатқан ақындар айтысы айқын дәлел.
Бүгінгі өтпелі кезең деп отырған, қиыншылығы мен жетіспеушілігі мол нарық заманында айтыс өнері – біздерді ізгі де игі істерге бастайтынына сенім мол. Ел басымыз Н.Ә.Назарбаев негіздеген «Қазақстан - 2030» бағдарламасының жүзеге асатындығына сенімдіміз. Оған Қазақстан Республикасының ғылым мен өндірісте атқарып жатқан ұлан – асыр жұмыстары сыйпаттайды. Еліміздің қалыпты, тыныс тірлігі, дамыған сыртқы саясаты тәуелсіз Отанның әлі – ақ өркениетке жететінін сөзсіз дәлелдейді.
Қолданылған әдебиет
• Уикипедия сайты
| |||