Ямал: Нұсқалар арасындағы айырмашылық

'''Ямал''' ([[ненец]] [[тіл|тілінде]] ямал – [[жер]] шеті; я – [[жер]]; мал – [[шет]]) – [[Батыс Сібір|Батыс Сібірдің]] солтүстігіндегі [[түбек]]. [[Ресей|Ресейдің]] Ямал - [[Ненец]] [[автономиялық округ|автономиялық округінде]]. Қара тенізінің [[Байдара]] және [[Обь]] қолтықтарының аралығында. Солтүстіктен оңтүстікке қарай 700 км-ге созылған, ені 240 км-ге дейін. Ауданы 122 мың км² шамасында. Жағасы түзу сызықты, аз тілімделген. Жер беті [[ойпат|ойпатты]] [[жазық]], солтүстік бөлігі Қара тенізінің деңгейінен 50 – 60 метрге көтерілген, оңтүстік - батысында абсолюттік биіктік 100 метрге жетеді. [[Жазық]] негізінен төрттік кезеңнің [[бореал|бореалдық]] теңіз шөгінділерінен тұрады. Орта тұсында [[флювиогляциал|флювиогляциалдық]] және өзен - көл шөгінділері басым. Оңтүстігінде жоғары төрттік кезеңнің [[моренал|мореналық]], [[флювиогляциал|флювиогляциалдық]] шөгінділері сақталған. [[Климат|Климаты]] [[арктикалық]] және [[субарктикалық]] Қаңтардың орташа температурасы –20 – 26⁰С. [[Жаз|Жазы]] салқын. Шілденің орташа температурасы 5 – 10⁰С. Жылдық жауын - шашын мөлшері 240 – 250 мм. Көп жылдық тоң жаппай таралған. Өзен торы жиі, қысқа өзендер [[батпақ|батпақтар]] мен көлдерді бір - бірімен жалғастырады. Солтүстігін [[арктика|арктикалық]] [[тундра]], орталығын мүкті - [[қыналы тундра]] және [[бұталы тундра]], оңтүстігін [[орман|орманды]] [[тундра]] қамтиды. [[Арктика|Арктикалық]], [[глейлі тундра]], [[глейлі күлгін]] және [[шымтезек|шымтезекті]] - [[батпақ|батпақты]] [[топырақ]] түрлері таралған. Теңіз жағалауында және өзен аңғарларында шөпті және [[гипнум|гипнумды]] - шөпті батпақтар жайылған. Бұғы жайылымдары кең алқап құрайды. [[Теңіз]] жағалауының тұрғындары [[балық]] және [[аң]] аулаумен айналысады. Ямалда аса ірі [[газ]] [[кен орын|кен орындары]] ашылған. <ref> Қазақ энциклопедиясы, 610 том </ref>