'''Босния және Герцеговина Ұлттық футбол құрама командасы''' — [[1993 жыл]]дан бері осы аттас мемлекеттің атынан Халықаралық [[футбол]] жарыстарында сынға түсіп жүрген ұлттық құрама. Басқарушы ұйым — Босния және Герцеговина футбол одағы.
== Тарихы ==
1990 жылдарға дейін мықты футболшылары [[Югославия Ұлттық футбол құрама командасықұрамасы|Югославия]] сапында ойнаған. Әр жылдары [[Вахид Халилходжич]], [[Сафет Сушич]], [[Иосип Каталинский]], [[Фарук Хаджибегич]], Ивица Осим, Асим Ферхатович, Блаж Слишкович, Мехмед Баждаревич, Душан Баевич секілді футболшылары жарқырап өнер көрсетіп жатты. 1990 жылдары Югославия тараған соң орнында бірнеше мемлекет пайда болды да, солардың бірі Босния және Герцеговина тәуелсіздік алды. Бірақ соғыстан көз ашпағандықтан, [[1993 жыл]]ға дейін құрама мүлдем ойын өткізген жоқ. Алғашқы кездесуін 1993 жылы [[Иран Ұлттық футбол құрама командасықұрамасы|Иранға]] қарсы өткізіп, 3:1 есебімен ұтты. Бір қызығы, 2014 жылы осы екі құрама Бразилияда өткен әлем чемпионатында бір топқа түсіп, Босния және герцеговиналықтар тағы да Иранды дәл сол есеппен ұтты.
Құраманың алғаш қатысқан ірі халықаралық жарысы — [[Футболдан әлем чемпионаты 2014|2014 жылы Бразилияда өткен әлем чемпионаты]]. [[Аргентина Ұлттық футбол құрама командасықұрамасы|Аргентина]], [[Нигерия Ұлттық футбол құрама командасықұрамасы|Нигерия]], [[Иран Ұлттық футбол құрама командасықұрамасы|Иран]] құрамаларымне бір топқа түсті. Әуелі Аргентинамен ойнап, 1:2 есебімен ұтылып қалды. Бірінші таймда қорғаушы Колашинац өз қақпасына соғып алды да, екінші таймда Лионель Месси есепті еселеді. Ойын соңына таман Ведад Ибишевич есепті қысқартты — 1:2. Келесі турда күтпеген жерде Нигериядан ұтылды — 0:1. Осылайша үшінші турға жетпей-ақ 1/8 финалдан үмітін үзді. Тек соңғы турда ғана чемпионаттағы жалғыз жеңісін тойлады, Иранды 3:1 есебімен ұтты.
