'''Брокгауз Бен Ефрон Энциклопедиялық Сөздігі''' — [[Брокгауз|Ф.А. Брокгауз]] ([[неміс]] баспагері) бен [[Ефрон|И.А. Ефронның]] ([[орыс]] баспагері) акционерлік баспа қоғамының бастыруымен шыққан алғашқы іргелі орыс энциклопедиясы. Алғашқы 8 томы проф. [[Андреевский|И.Е. Андреевскийдің]], кейінгілері [[Арсеньев|К.К. Арсеньев]] пен проф.профессор [[Петрушевский|Ф.Ф. Петрушевскийдің]] редакторлығымен (1890 — 1907) 86 том болып [[Петербург]] қ-ндақаласында шықты. Сөздікті жасауға сол тұстағы орыстың алдыңғы қатарлы оқымысты ғалымдары толық жұмылдырылған. Олардың қатарында [[Менделеев|Д.И. Менделеев]], [[Волков|А.И. Волков]], [[Бекетов|А.И. Бекетов]], [[Ковалевский|О.А. Ковалевскийлер]] де болды. Нақты материалдар мен библиографиялық мәліметтердің молдығы жағынан сөздік құнды анықтамалық еңбек болып саналады. Онда Қазақстанның тарихы, жер-су атаулары, салт-дәстүрлері (“Қырғыз-қайсақ”, “Арал теңізі”, “Үстірт”, “Хан”, “Номадтар”, “Ауыл”, “Барымта”, т.б.) жөнінде де деректі материалдар берілген. Сөздіктегі [[Қазақстан]] тақырыбының негізгі авторлары — [[Грумм-Гржимайло|Г.Е. Грумм-Гржимайло]], [[Шмурло|Е.Ф. Шмурло]], [[Берг|Л.С. Берг]], т.б. ғалымдар болды. Сөздіктің 2-басылуы “[[Жаңа энциклопедиялық сөздік]]” деп аталды. “Жаңа энциклопедиялық сөздікті” “[[Баспа ісі]]” деп аталатын акцион.акционерлік қоғам 1911 жылдан шығара бастады. 1916 жылда оның шығарылуы тоқтатылды, белгіленген 48 томының 22-і ғана жарық көрді. Ол [[Арсеньев|К.К. Арсеньевтің]] редакциясымен қайта қаралып өңделді. “Брокгауз-Ефронның” ықшамдалған нұсқасы ретінде жоспарланған бұл басылымға белгілі алаш қайраткері [[Бөкейханов|Ә. Бөкейханов]] автор ретінде қатысқан әрі осы энциклопедияда оған арналған арнайы есімнамалық мақала да берілген.
