'''Ботташық''' (Pastіnaca) — [[шатыршагүлділер тұқымдасы|шатыршагүлділер тұқымдасына]] жататын екі не көп жылдық [[өсімдіктер]]. [[Қазақстан|Қазақстандағы]]дағы 2 түрі [[Тобыл]], [[Есіл]] өңірлерінде, [[Іле]], [[Күнгей Алатаулары|Күнгей Алатауларында]], [[Алтай|Алтайда]], [[Каспий]] [[ойпат]]ындаойпатында өседі. Биікт. 30 — 80 см, сабағы қырлы, тік. Кіндік тамырының пішіні сәбіз не қызылшаға ұқсас. Жапырағы күрделі, тақ қауырсынды, сабаққа қарама-қарсы орналасады. Гүлдері сары түсті, майда, күрделі шатырша [[гүлшоғыр|гүлшоғырына]]ына топталған, ұсақ жәндіктермен тозаңданады. Әрбір гүлінің тостағанша және күлте жапырақшалары бес-бестен, аталығы — 5, аналығы — біреу. Аналығы екі жеміс жапырағынан тұрады, екі ұялы. Әр ұясында бір тұқым бүршігі жетіледі. Аналық түйінінің, кейін жемісінің сырты ойықтанып, қырланып кетеді. Маусымда гүлдеп, шілдеде жемістенеді. Жемісі қос дәнді болады. Ботташықтың тамырын тағам ретінде пайдаланады және тамырындағы [[эфир майы|эфир майынан]] дәрі алынады. Тамыржеміс алу үшін оның тамыры жуан, етженді P. satіva hortensіs деген ерекше түрін қолдан өсіреді.
