Бурабай шипажайы: Нұсқалар арасындағы айырмашылық

[[Көкше тауы]] (абсолюттік биіктігі 947 м) солтүстіктен соғатын өкпек желге тосқауыл болады, оның баурайында қарағайлы, қайың аралас ормандар өскен. Ауаның орташа температурасы: қаңтарда –16⁰С, шілдеде 19⁰С; жауын-шашынның жылдық мөлшері 400 мм-дей. Бурабайда қымызбен емдейтін тұңғыш [[емхана]] 1910 ж. ашылған. Курорт 1920 жылдан жұмыс істей бастады. Қарағайлы орман ішінде екі санаторий (екеуі де «Бурабай» деп аталады) орналасқан: біреуінде ересек адамдар, екіншісінде балалар емделеді. Екеуі де жыл бойы жұмыс істейді. «Бурабайдағы» негізгі ем – [[қымыз]], сондай-ақ климаттық факторлар (қарағайлы орман, шипалы таза ауа, сұлу табиғат) кеңінен пайдаланылады, [[физиотерапия]] тәсілдері, [[Балпашсор]]дың тұзды балшығы, [[Майбалық (көл)|Майбалық]] көлінен тасылатын хлорлы-натрийлі-магнийлі минералдық су, т.б. қолданылады.<ref>Қазақ Энциклопедиясы</ref>