Қорқыт ата: Нұсқалар арасындағы айырмашылық

'''Қорқыт Ата''' – энциклопедиялық жинақ. 1999 жылы Қазақ энциклопедиясының Бас редакциясы шығарған. Негізінен 5 бөлімнен тұратын бұл күрделі еңбекке Қорқыт Ата туралы ел аузында сақталған аңыздар мен күйлер, [[әфсана]]лар, ата мұрасын зерттеу, әулиенің әдебиет пен өнердегі бейнесі мәселелеріне арналған отандық және шетел ғалымдарының мақалалары топтастырылған. Бұл материалдарда Қорқыт Атаның әлем тарихы мен философиясындағы орны, оның ұлы мұрасының көркемдік ерекшеліктері мен мазмұны, тілдік, түрлік айшықтары, тарихи белгілер мен жәдігерлік деректер хақында жан-жақты мағлұмат беріліп, талдау жасалады. “Қорқыт Ата кітабының” [[Дрезден]] кітапханасында ([[Германия]]) сақталған толық нұсқасының фотокөшірмесі, [[орыс тілі|орыс]] және [[қазақ тілі|қазақ]] тілдеріндегі аудармаларының таңдаулы үлгілері берілген. Кітап соңында [[Шәкәрім Құдайбердіұлы|Ш.Құдайбердіұлы]], [[Мағжан Жұмабай|М.Жұмабаев]], [[Сәкен Сейфуллин|С.Сейфуллин]] бастаған қазақ ақындарының осы тақырыптағы [[толғау]], поэмалары, [[дастан]]дары жинақталған. Қорқыт Ата өміріне байланысты оқиғалар шежіресі мен әдебиеттер тізімі келтірілген.