Қайретдин Әбдірахманұлы Болғанбаев: Нұсқалар арасындағы айырмашылық

'''Болғанбаев Қайретдин Әбдірахманұлы''' ([[1894 жыл|1894]], [[Ақмола облысы]] [[Қорғалжын ауданы]] — [[1937 жыл|1937]], [[Ташкент]]) — журналист, қоғам қайраткері, [[Алаш]] қозғалысының белсенді мүшесі. [[Арғын]] тайпасының [[Қуандық]] бөлімінің Темеш руынан.<ref>Темеш руының шежіресі, Астана "Сарыарқа" 2009, 638 бет. Авторлар ұжымы Таукейтегі Қ.А., Ахметжанов Қ.А. және т.б. ISBN 9965-536-95-3</ref>

[[Түркістан автономиясы|Түркістан автономиясын]] құруға атсалысқан (1917, желтоқсан — 1918, ақпан). [[Орынбор]] қаласындағы «[[Хұсния]]» медресесінде оқып жүрген кезінде «[[Қазақ газеті|Қазақ]]» газетінің редакциясында жұмыс істейді. 1917 — 18 жылдары [[Мұстафа Шоқай|М.Шоқай]], [[Сұлтанбек Қожанұлы Қожанов|С.Қожановтармен]] бірге «[[Бірлік туы]]» газетін шығаруға қатысты. 1918 — 19 жылдары [[Ташкент]] қаласындағы педагогикалық курста оқыды. 1919 — 21 жылдары [[Түркістан]] халыққа білім беру жүйесінде, [[Орынбор]] қаласында мемлекеттік «[[Қазақстан]]» баспасында сарапшы болып қызмет істеді. 1921 жылы [[Әлихан Нұрмұхамедұлы Бөкейхан|Ә.Бөкейханов]] пен [[Ахмет Байтұрсынұлы]]ның тапсырмасы бойынша [[Бұхара]]дағы басмашылар қозғалысына [[Энвер паша]]мен бірге жетекшілік етіп жүрген [[Зәки Уәлиди Тоған]]мен кездесіп қайтты. 1922 — 23 жылдары [[Ақмола]]да, 1924 — 27 жылдары [[Петропавл]]да халыққа білім беру бөлімі меңгерушісінің орынбасары болды. 1928 жылы ОГПУ шешімімен «халық жауы» ретінде 5 жылға сотталып, Батыс [[Сібір]]ге жер аударылды. 1934 жылы [[Алматы]]ға келіп, кейіннен қазіргі [[Оңтүстік Қазақстан облысы]]ның [[Сарыағаш ауданы]]на қарасты Қапланбек ауылында тұрған. 1937 ж. саяси қуғын-сүргін кезінде тұтқындалып, атылды. 1958 ж. 26 ақпанда ақталған.<ref>“Қазақ Энциклопедиясы”, ||-том</ref>