'''Этнотопонимика''' – топонимиканың этнонимнен жасалған тобын зерттейтін сала. Этнонимдерден, яғни ру-тайпа атауларынан жасалған жер-су атаулары (этноойконим, этногидроним, этноороним, т.б.) қоғамдық-әлеум. құрылымы ежелден ру-тайпалық ин-тқа негізделген көшпелі дәстүрдегі, негізінен түркі, орал-алтай халықтарына тән. [[Қазақстан|Қазақстанның]] топонимдік кеңістігінде күні бүгінге дейін көптеген этнотопонимдер кездеседі. Мыс., [[Қыпшақ]] – [[Ақмола]] обл-ндағы Теңіз к-не құятын және [[Қорғалжын]] ауд-ндағы, сондай-ақ Оңт. [[Қазақстан]] обл-ндағы өзен аттары; [[Үйсінтау]] – [[Алматы]] обл. [[Райымбек]] ауд-ндағы тау аты; [[Төлеңгіт]] – [[Қостанай]] обл. [[Меңдіқара]] ауд-ндағы елді мекен атауы; [[Сунақата]] – [[Қызылорда]] обл. [[Жаңақорған]] ауд-ндағы елді мекен атауы, т.б. Қазақ халқының ертеден көшіп-қонған атажұрты, яғни [[Ұлы жүз]], [[Кіші жүз]], [[Орта жүзд|Орта жүздің]] ру-тайпалары мекендеген төл этн. аумақ, этнотопонимикада таңбаланған. Сондықтан Э.Этнотопонимика ұлттық ономастиканың, халқымыздың өткен тарихынан, тұрмыс-тіршілігінен, дүниетанымынан мол дерек беретін, тереңдете зерттеуді қажет ететін саласы.
І. Рысберген <ref>Қазақ энциклопедиясы, 10 том</ref>
