'''Эфиоптар''' (өзд. атауы – итиоп, итъоп) – [[Эфиопия]] тұрғындарының жалпы атауы. Көптеген халықтар мен этн. топтардан тұрады. Нақты саны белгісіз. Антропол. жағынан еур. және экваторлық нәсілдердің арасындағы эфиоп тобына жатады. Ғалымдар Э-дыңЭфиоптардың антропол. типі мезолит дәуіріндегі еур-тар мен африкалықтардың араласуынан қалыптасқан болуы ықтимал деп санайды. Семит-хамит отбасындағы тілдерді қолданады. [[Амхара]] (амара), гураге, аргобба, харари, тиграй, тигре және бени-амерлердің бір бөлігі семит тілдерінде; галла (оромо), сомали, данакиль (афар), сахо, агау, сидамо, хадья, каффа, беджа, т.б. кушит тілдерінде сөйлейді. Христиан, ислам діндерін қатар ұстанады, фалаша этн. тобы иудаизмді тұтынады. Ең ірі халықтары – галла мен амхара. Ежелгі және орта ғасырлардағы тарихы мардымсыз зерттелген. Тұрмысы мен жосын-жоралғылары, ұлттық мәдениеті Африканың өзге халықтарына өте ұқсас.
М. Сапарбайқызы<ref>Қазақ энциклопедиясы, 10 том</ref>