Агрономия: Нұсқалар арасындағы айырмашылық

'''Агрохимия, агрономиялық химия''' – [[топырақ]] пен [[өсімдік|өсімдікте]] өтетін [[химиялық процестер]], [[өсімдік]] қорегінің құрамы, сондай-ақ өсімдіктің қоректенуі үшін тыңайтқыш қолдану туралы [[ғылым]]; [[егіншілік|егіншілікті]] химияландырудың ғылыми негізі.
Диханшылықтың өркендеуіне байланысты пайда болды. Агрохимияның негізін салушылардың бірі – француз ғалымы Жан Буссенго ([[1836]]). Ол [[өсімдіктер|өсімдіктерге]] тікелей тәжірибе жасау арқылы табиғатта [[азот]] айналымы болатынын болжап білді. Кейін неміс ғалымы Юстус Либих ([[1840]]) [[топырақ|топыраққа]] [[тыңайтқыш]] шашудың маңыздылығын дәлелдеді, ал Англияда[[Англия]]да дүние жүзіндегі ең алғаш суперфосфат шығаратын зауыт ([[1843]]) салынды.

Агрохимияның міндеті: өсімдіктің қоректенуін, өсімдік пен топырақта өтетін химиялық процестерді, тыңайтқыштар мен химиялық заттардың тиімділігін зерттеу арқылы ауыл шаруашылық дақылдарының шығымдылығын арттыру, олардың өнім сапасын жақсарту, топырақ құнарын сақтау және молайту екендігі анықталды.
Агрохимия топырақтың, өсімдіктің, тыңайтқыштың, ауыл шаруашылық дақылдарының зиянкестері мен ауруларына қарсы қолданылатын у-химикаттардың химиялық құрамына талдау жасайды. Өсімдік қоршаған ортадан алатын қоректік заттардың түрін, оны өсімдіктің сіңіруін анықтайды. Осының негізінде топырақтағы қоректік заттардың түрі мен мөлшерін көрсететін агрохимиялық картограммалар жасалады. Соның нәтижесінде тыңайтқыштар, гербицидтер, у-химикаттар қолданудың тиімді әдістері ұсынылады, мол өнім алудың жолдары іздестіріледі.
Қазақстанда агрохимиялық зерттеулерді Қазақ мемлкеттік аграрлық университеті мен Егіншілік ғылыми-зерттеу институты үйлестіріп отыр.