Мырғалымсай қорғасын-мырыш-барит кен орны: Нұсқалар арасындағы айырмашылық

'''Мырғалымсай қорғасын-мырыш-барит кен орны''' - [[Оңтүстік ҚазақстанТүркістан облысы]] [[Кентау]] қаласының маңында орналасқан. Оны алғаш [[1928 жыл]]ы [[Мерғали Қадылбеков|М.Қадылбеков]] ашқан. Кейін [[Николай Лазаревич Бубличенко|Н.Л. Бубличенко]], [[Новохатский Иван Петрович|И.П. Новохатский]], Л.И. Балавинский, В.С. Булыго, Д.Н. Малечник, Е.С. Зориндер зерттеген.

Мырғалымсай қорғасын-мырыш-барит кен орнының кенді қабаттары жоғарғы [[Девон кезеңі|девон]]ның фамен ярусының доломиттенген әктасты, доломитті, доломит-баритті жыныстарындағы таспа пішіндес горизонттарда орналасқан.

Кен алаңы 8 телімге (Орталық, Жайпақ, Оңтүстік, Сонкөл, Батыс, Солтүстік, Мұхамбет, Беріксай) бөлінеді. Тарамды-сеппелі, әр текті, бірнеше км-ге созылған негізгі кенді қабат буданың төменгі жартысын қамтиды. Оңтүстік-батыстағы құлау бұрышы 30. [[Қорғасын]]ды, қорғасынды-[[мырыш]]ты, қорғасынды-[[барит]]ті кентастардың 3 басты иірімі (Ұялы, Негізгі, Аралық) бар. Олардың ұзындығы 6,3– 0,9 км, қалыңдығы 7,5–13,6 м шамасында.

Кеннің басты минералдары: барит, [[галенит]], [[доломит]], [[кальцит]], ал қосымша минералдары [[сфалерит]], [[пирит]], [[халькопирит]], [[арсенопирит]], [[гематит]], [[аргентит]], тағы басқа Кен орнындағы қорғасынның орташа мөлшері 1,01%, мырыш 0,6%, барит 11,6% және [[күміс]] 23 г/т. [[Тотығу белдемі]]нің тереңдігі 30–40, кейде 150–200 м. Барит пен қорғасынның қоры бойынша Мырғалымсай қорғасын-мырыш-барит кен орны ірі кен орындарының қатарына жатады.<ref>[[Қазақ энциклопедиясы]] VI-том</ref>