Жақсы Тағылы: Нұсқалар арасындағы айырмашылық

'''Жақсытағылы '''– [[Сарыарқа]]ның ортүстік бөлігіндегі тау. [[Қарағанды]] облысы [[Шет]] ауданында. [[Жақсы Сарысу]], [[Қайрақты]] және [[Жаман Сарысу]] өзендері аралығында бойлық бағытта созылып жатыр. Абсолюттік биіктігі 1076 м. Ұзындығы оңтүстік-батыстан солтүстік-шығысқа қарай 35 – 40 км, ені 15 – 20 км. Аласа қырқалардан, күмбез және саңырауқұлақ тәрізді көптеген шоқылар мен төбелерден тұрады. Оңтүстік беткейі тіктеу, солтүстікке қарай көлбеуленіп жазықты белестерге ұласып кетеді. Беткейлері сай-жыралармен тілімденген. Девон мен тас көмірдің альбитофир, порфирит жыныстарынан түзілген. Қызғылт қоңыр қиыршықтасты топырағында қараған, тобылғы аралас бетегелі-бозды дала өсімдіктері өседі. Қысқы мал жайылымы ретінде пайдаланылады. <ref>[[Қазақ Энциклопедиясы]]</ref>