Дмитрий Павлович Щербов — нұсқалар арасындағы айырмашылық

'''Щербов Дмитрий Павлович''' (12.8.1906, [[Эстония]], қазіргі Тарту қаласы – [[Алматы]]) – ғалым, химия ғылыми докторы ([[1961]]). Қазақ КСР-інің еңбек сіңірген ғылым қайраткері (1966). [[Ленинград]] (қазіргі Санкт-Петербург) сурет-кино техникумын (1927) және сондағы химия-технология институтын ([[1937]]) бітірген. 1940 – 46 ж. Медвежьегорск, Орск, Свердловск (қазіргі Екатеринбург) қалаларында геология талдау лабораторияда, [[1946]] – 56 ж. Алматыдағы Оңтүстік Қазақстан геология басқармасында жұмыс істеген. 1956 жылдан Қазақ минералдық шикізаттар ғылыми-зерттеу институтында аналитикалық-химия лабораториясын ұйымдастырып, фотометрия лабораториясының меңгерушісі болған. Щербовтың басшылығымен 60-қа жуық элементтердің спектрофотометрлік және флуориметрлік анықтау әдістері зерттелді. Ол 400-ден астам ғылыми еңбектің (2 монография) авторы. Щербов заттардың өте аз мөлшерін анықтайтын 2 аналитикалық [[аспап]] – флуориметр жасап, авторлық куәлік алған. Еңбек [[Қызыл Ту]] орденімен, медальдармен марапатталған.