'''Қалдарұлы Махмұтқали'''<ref Махмұтқалиname="source1>Қазақ энциклопедиясы</ref> (3.11.1933 жылы туылған, [[Жаңақорған ауданы]] [[Жаңақорған кенті]]) – ғалым, геология-минералогия ғылымдарының докторы (1995), профессор (1995). [[Ташкент]] қаласындағы Орта [[Азия]] мемлекеттік университетін бітірген (1955). 1955 – 58 жылдары Солтүстік [[Қарақұм]] аймағындағы [[Заунгуз]] ([[Түрікменстан]]) гидрогеология партиясында қызмет істеді. 1961 – 64 жылдары Түрікменстан Ғылым Академиясының [[Шөлдер]] және геология институтында ғылыми қызмет атқарды. 1965 – 72 жылдары Жамбыл гидромелиорациялық-құрылыс институтында кафедра меңгерушісі, 1972 – 75 жылдары осы институттың гидромелиорация факульттінің деканы, «Су жүйелерін пайдалану» кафедрасының доценті болған. Негізгі еңбектері Солтүстік Қарақұмда тұщы су көздерін ашуға, [[Зеравшан дариясы|Зеравшан дариясының]] шөгінділерін табуға (оған «Қалдар топырақтары» деген ат берілген), Арал бассейнінің экологиялық жағдайын, Қызылқұм аймағының жерасты суларын зерттеуге, Сырдария өңірін гидрогеологиялық аудандарға бөлуге, Тараз қаласы жерасты суларының химия өнеркәсіптер салдарынан ластану мәселелерін анықтауға арналған. Қалдарұлы 120-дан астам ғылыми еңбек және 3 оқулық жазған.
