Қамалиев Мақсұт Әділханұлы

Қамалиев Мақсұт Әділханұлы - (9.7.1959 жылы туылған, Шығыс Қазақстан облысы Семей қаласы) – медицина ғылымдарының докторы (1994), профессор (1996). ҚР Денсаулық сақтау ісінің үздігі (2001). Семей мемлекеттік медицина институтын (1982, қазіргі Семей мемлекеттік медицина академиясы) және Мәскеу қаласындағы Бүкілодақтық әлеуметтік гигиена және денсаулық сақтауды ұйымдастыру ғылыми-зерттеу институтының аспирантурасын (1989) бітірген. Осы оқу орнында ассистент, аға оқытушы, кафедра меңгерушісі (1982–93) болды. 1993 жылдан қазіргі Қазақ ұлттық медицина университетінде кафедра меңгерушісі қызметін атқарады. «Социальные ориентиры реформы здравоохранения Казахстана» тақырыбында докторлық диссертация қорғады. 300-ден астам ғылыми жарияланымның авторы.