Жатырдан тыс жүктілік: Нұсқалар арасындағы айырмашылық

'''Жатырдан тыс жүктілік''' — [[ұрық|ұрықтың]] [[Жатыр|Жатырдан]] тыс дамуы. Ұрықтанған [[аналық жұмыртқа]] әр түрлі аурудың ([[қабыну]], [[соз]], т.б.) салдарынан, [[аборт]] жасатудан, жыныс мүшелерінің жетілмеуінен, т.б. себептерден Жатыр түтігінен Жатырға өте алмай қалады. Жатырдан тыс жүктілік: түтіктегі, [[аналық без|аналық бездегі]] және құрсақтағы [[жүктілік]] деп бөлінеді. Бұлардың ішінде өте жиі кездесетіні Жатыр түтігіндегі жүктілік. Ұрықтанған жұмыртқа Жатыр түтігінің ішкі қабатына жабысып өседі.<ref>Қазақ энциклопедиясы</ref> Ұрық 6 — 8 аптадай дамып, түтікті керіп, жарып жібереді. Жатырдан тыс жүктілік кезінде [[кіндік|кіндіктің]] төменгі жағы қатты ауырады, ішке [[қан]] құйылып, әйел әлсіреп, есінен танып қалуы мүмкін. Жатыр түтігіндегі жүктілік мезгіл-мезгіл [[толғақ]] сияқты ауыртады. Бірнеше сағаттан соң жазылып кеткендей болады. Жатырдан тыс жүктіліктің қандай түрі де әйел өміріне өте қауіпті. Жатырдан тыс жүктілікті тек [[хирургиялық операция]] жасап емдейді. Операциядан кейін әйел бір жыл бойына [[гинеколог|гинеколог-дәрігердің]] бақылауында болады.<ref>[http://ana-bala.kz/?p=954 Жатырдан тыс жүктілік | Ana-bala.kz]</ref>