Алексей Николаевич Куропаткин: Нұсқалар арасындағы айырмашылық

'''Алексей Николаевич Куропаткин''' - ([[1848]]–[[1925]], [[Ресей]], Псков қаласы) – орыс әскери қайраткері, инфантерия генералы (1901). 1876, 1879 жылы Бас штабта офицер, 1877–78 жылдары орыс-түрік соғысы кезінде жаяу әскер дивизиясы штабының бастығы, 1890–98 жылдары [[Каспий]] маңы облысында әскер қолбасшысы, [[1898]]–[[1904]] жылдары әскери министр қызметтерінде болды. Ляолян мен Мукден түбіндегі шайқастарда жеңіліске ұшырағаннан кейін, өзінің дарынсыз, жігерсіздігімен көрінген Куропаткин [[1905]] жылы наурызда қызметінен босатылды. [[1916]] жылдың шілде айында Түркістан генерал-губернаторы, әскер қолбасшысы болып тағайындалды. Сол жылы Түркістандағы жергілікті тұрғындардың Маусым жарлығына қарсылықтан туған көтерілісін басып-жаншуға басшылық етті. [[1917]] жылы сәуірде [[Ташкент]]тегі Жұмысшы, шаруа және солдат депутаттары кеңесінің талап етуімен тұтқынға алынып, Петроградқа жіберілді. Уақытша үкіметтің рұқсатымен босатылғаннан кейін Псков облысында тұрды.