Селитралар

СЕЛИТРАЛАР (лат. sal — тұз, nіtrum — сілті, табиғи сода) — аммоний, натрий, калий, кальций мен барийдің нитраттары. Ең маңыздысы және көп тарағаны — натрий селитрасы (Чили селитрасы). Оның ең көп қоры Чилиде, аз мөлшерде АҚШ, Колумбия, Африка, Аргентина, Орта Азияда кездеседі. С. табиғатта бактериялар әсерінен органик. қалдықтардың шіруі нәтижесінде түзіледі. С. көбіне азотты тыңайтқыштар ретінде, оқ дәрі жасауда, химия өндірісінде, медицинада, аммиак (аммоний) селитрасы техникада қопарғыш заттар алуда кеңінен қолданылады.