Селке

СЕЛКЕ, Селкен — Жетісу (Жоңғар) Алатауының оңт.-шығыс сілемдерінде орналасқан асу. Алматы обл. Алакөл ауд. жерінде, Қытай мен Қазақстан арасындағы шекараны бойлай жатқан Сарықора тауынан өтетін жол. Биікт. 2552 м. С-ден маусым — қазан айларында асып өтуге болады. Палеозой эрасының екінші жартысында болған герцин тау жасалу кезеңінде қалыптасқан. Кристалдық жыныстар плейстоцен және төрттік кезеңнің шөгінділерімен жабылған. Асу баурайынан Сарышілде өз. бастау алады. С-де шырша мен самырсын, қайың, көктерек пен ақтерек өседі.