Селькуптар

СЕЛЬКУПТАР — Сібірдегі самодий тіл тобында сөйлейтін халық. Ресейдің Томск обл-нда, Краснояр өлкесінде және Ямал-Ненец ұлт округінде тұрады. Жалпы саны 3,6 мың адам (1989 ж.) 18 — 19 ғ-ларда жаппай православие дініне өтумен қатар, көне діни, салт-дәстүрлерін де сақтаған. С. Обь өз-нің орта алқабын мекендеген тұрғын халықтармен осында б.з. бас кезінде Саян таулары аймағынан келген самодий тайпаларының араласуынан қалыптасқан. Бұрын аңшылықты кәсіп етсе, солт. өлкесі халықтары бұғы ш-мен айналысады. Қазіргі уақытта оңт-ті мекен еткен халқы орыс тұрғындармен араласып, өз тілдерінен, салт-дәстүрлерінен ажырап қалған. Бұл күндері олар дәстүрлі кәсіптерімен қатар егін егіп, мал бағады.