|
'''Паоло Чезаре Мальдини''' ([[26 маусым]] [[1968 жыл]], [[Милан]]) - аты аңызға айналған итальян футболшысы. [[Италия]] құрамасы мен «[[Милан (футбол клубы)|Милан]]» футбол клубының көп жылдан бергі капитаны болған ойыншы. Футболшы әрі жаттықтырушы [[Чезаре Мальдини]]дің ұлы.
== Өмір жолыКарьерасы ==
Балалық шағында әкесі секілді "[[Милан (футбол клубы)|Миланның]]" футболшысы болуды армандады. Ол арманына балалық шағында-ақ қол жеткізді, 1985 жылға дейін "Миланның" жастар командасының мүшесі болды.
Жастайынан әкесі секілді «Милан» футболшысы болуды армандаған Паоло Мальдини 1968 жылы 26 маусымда Миланда дүниеге келген. Паолоның әкесі Чезаре Мальдини де ұзақ жылдар бойы «россонери» капитаны болып, клубпен бірге 1963 жылы Чемпиондар Кубогын ұтып алған еді.
1985 жылы 20 өаңтарда 16 жасында "[[Удинезе|Удинезеге]]" қарсы ойында тұңғыш рет алаңға шықты. Осылайша [[Футболдан Италия чемпионаты|А сериясындағы]] ең жас ойыншы боп тарихта қалды, ол рекорд осы күнге дейін өзгерген жоқ.
== Тумысынан капитан ==
Паолоның ломбардиялықтардың негізгі құрамындағы дебюты 1985 жылы 20 қаңтар күні «Удинезеге» қарсы ойында орын алды. Бапкер Нильс Лидхольм талантты 16 жасар бозбалаға осындай сенім білдіргені Мальдинидің болашақ жұлдызға айналарына үлкен ықпал етті. Келесі маусымнан бастап, ол негізгі құрамнан берік орын алады да, міне бүгінге дейін «Миланның» 25 жылдық символына айналады. Оның қара-қызыл жейдедегі өткізген кездесулерінің саны рекордтық 648 матчты құрайды. Оның тікелей қатысуымен «Милан» 7 мәрте Италия Чемпионы, Кубогы, 5 мәрте Суперкубогы, 5 мәрте (!!!) Чемпиондар Кубогы/Чемпиондар Лигасының жеңімпазы, 5 мәрте Еуропа Суперкубогы, 2 мәрте Құрлық аралық Кубогы мен Клубтық әлем чемпионатының жеңімпазы атақтарын, және тағы да басқа жүлделер мен лауазымдардың иесі атанды.
Келесі жылы-ақ негізгі құрамға берік орнығып үлгерді, Мальдинидің "Миландағы" карьерасы 2009 жылға дейін жалғасты. 1997-2009 жылы клубтың капитаны боп алаңға шығып жүрді.
== «Милан» деп соққан жүрегі ==
Мальдини бар ойыншылық ғұмырын «Миланға» арнады. Оның әлем футболы және Италияға сіңірген еңбегі орасан. Екі бірдей Италияның мемлекеттік марапатына ие қорғаушының ұтпаған жүлделері кемде-кем. Мальдинидің ойынмен қош айтысуы таяған кезде футбол сүйер қауым оның 40 жасқа толып қалғандығын да байқамай қалыпты. Әлі де талай маусымдар бойы ең жоғары деңгейде өнер көрсете алатын Паоло кетемін деген шешім қабылдады. Ол футболдан өзінің соңғы 20 жылдай бойы ие - «жарық жұлдыз» мәртебесінде кетті.
2009 жылы 31 мамырда сырт алаңда "[[Фиорентина|Фиорентинаға]]" қарсы ойында футболшылық карьерасындағы соңғы ойынын өткізді.
== «Скуадра адзурра» ==
Мальдини 19 жасқа толған шақта тұңғыш рет құрамадан шақырту алып, Паоло сонда 1988 жылы 31 наурызда Югославиямен кездесуде Италия үшін алғаш ойнайды. Сол сәттен 2002 жылғы Жапония мен Кореядағы әлем чемпионатындағы итальяндықтардың қарғысына ұшыраған кәрістермен 1/8 финалдық кездесуге дейінгі 14 жыл ішінде Мальдини «Скуадра адзурра» сапында 126 ойын ойнап, 7 доп соққан.
2011 жылы қаңтар айында клуб тарапынан оған маусым соңына дейін жарақат алған қорғаушылардың орнына клубта ойнауға ұсыныс түсті, бірақ отбасымен ақылдаса келе Мальдини бас тартты.
== Бағынбай кеткен асулар ==
Клубтық жетістіктермен салыстырғанда, ұлы Паолоның Италия құрама командасындағы жеңістері сәл төмен болып көрінеді. Сонда да, әлем чемпионаттарының күміс пен қола және Еуропа чемпионатының күміс жүлдегері Паоло Мальдинидің Италияның бас командасында ойнаған шағы апенниндіктерді ерекше сезімге бөлегені анық. Тағы бір ұлы футболшы, Паолоның көп жылдар бойы әріптесі – Франко Барези сияқты Италияның маңдайына біткен қорғаушы Мальдинидің өміріндегі екі үлкен финал да драмаға айналды. Бірақ, ер жүрек Паоло 1994 жылы АҚШ-тағы секілді кез келген адамға ауыр тиетін жеңілістерден кейін сезімдеріне ерік бермейді. Ауладағы кезекті футбол ойындарында жеңілгеннен кейін көз жасын жасыра алмаған 8 жастағы Паоло бұл босаңсуы үшін анасынан қатаң сөгіс естиді. Содан бастап ол анасының қаһарына ұшырамауға тырысып келді.
Мальдинидің құрметіне клубтағы 3-нөмірлі жейде мәңгі бекітілді, бірақ Мальдинидің ұлдары клубта ойнай қалса, соларға берілетін болды.
Мальдинидің отбасы жайлы айтқанда футболды айналып өту мүмкін емес. Атақты футболшының баласы – Паоло 1994 жылы Адриана Фоссаға үйленген. Мальдинидің екі ұлының бірі Кристиан қазірде «россонеридің» жастар командасында өнер көрсетеді. «Миланның» айналымынан шығарылған Паолоның «3»-нөмірлі жейдесі жақын келешекте ұлы фамилияны жалғастырушы Кристиан Мальдиниді күтіп тұр.
[[Италия Ұлттық футбол құрамасы|Ұлттық құрамадағы]] тұңғыш ойынын 1988 жылы наурыз айында [[Югославия Ұлттық футбол құрамасы|Югославияға]] қарсы өткізді.
[[Футболдан 2002 жылғы әлем біріншілігі|2002 жылғы әлем чемпионатына]] қатысты да, турнир біткен соң құрамадағы карьерасына нүкте қойды.
2019 жылы жазда "Миланның" клубтық директоры боп тағайындалды.
== Жетістіктері ==
=== Командалық ===
'''«Милан»'''
* Италия чемпионы (7): 1987/88, 1991/92, 1992/93, 1993/94, 1995/96, 1998/99, 2003/04
* Италия кубогы: 2002/03
* Италия суперкубогы (5): 1988, 1992, 1993, 1994, 2004
* Чемпиондар лигасы (5): 1988/89, 1989/90, 1993/94, 2002/03, 2006/07
* УЕФА суперкубогы (5): 1989, 1990, 1994, 2003, 2007
* Клубтар әлем чемпионаты: 2007
* Құрлықаралық кубок (2): 1989, 1990
'''Италия'''
* ЕУРО-1988 қола жүлдегері
* ӘЧ-1990 қола жүлдегері
* ӘЧ-1994 күміс жүлдегері
* ЕУРО-2000 күміс жүлдегері
* Мыңнан аса ресми матчта ойнады
* Италия чемпионатында 647 матчта алаңға шықты (рекорд).
* Чемпиондар лигасының финалындағы ең жылдам голдың авторы (2005 жылы "Ливерпульдің қақпасына, 52-секунд)
* ФИФА 100 тізіміне енген
* Италия футболының құрмет залына енген : 2012
* Барлық уақыттағы символикалық құрамаға енген.
== Дереккөздер==
| 