Ақық — нұсқалар арасындағы айырмашылық

Түйіндемесі өңделмейді
[[Сурет:ChalcedonyKnifeNPS.jpg|right|thumb|300 px|халцедоннан жасалған пышақ]]
'''Ақық''', халцедон – [[оксид|оксидтер]] класына жататын [[кварц]] минералының жасырын кристалды, талшық құрылымды түрі. Ол іркінді агрегаттар, [[бүйрек]] тәрізді жалбырлар, тұтас жұмыр [[кесек]] түрінде болады. [[Шыны]], май, [[балауыз]] секілді жылтыр, қаттылығы 6,5 – 7; меншікті салмағы 2,5 – 2,8 г/см<sup>3</sup>. Түсі құрамындағы [[темір]], [[марганец]], [[кобальт]], [[никель]], т.б. қоспаларына байланысты. Соған сәйкес [[сердолик]] (сарғылт қызыл, қызыл, қою қызыл), [[хризопраз]] (жасыл), [[гелиотроп]] (қызыл сары, жолақты, қою жасыл), [[сардер]] (қоңыр, қызыл қоңыр), [[сапфирин]] (сұр, көгілдір сұр), [[плазма]] (жасыл), [[кахалонг]] (сүттей ақ), т.б. түрлері, сондай-ақ [[агат]] және [[оникс]] сияқты нақышты түрлері бар. Ақық төмен температуралы гидротермальдық және салқын ерітінділерден түзіледі. Ол үгілу қыртысы мен тотығу белдемінде, шөгінді және эффузивті жыныстардың қуыстары мен жарықтарында кездеседі. [[Яшма]], [[кремний|кремнийлі]] [[тақтатас]], [[шақпақтас]], т.б. жыныстарды құрайды. Ақықтан [[химиялық ыдыс]], дәл өлшейтін аспаптардың үйкелетін, салмақ түсетін бөлшектері, әдемі түрлерінен зергерлік бұйымдар жасалады. Ақықтың ірі кен орындары Орталық Қазақстанда, Қаратауда орналасқан.
<ref>Қазақстан Республикасының табиғаты туралы энциклопедия, V- том</ref>
 
== Пайдаланған әдебиет==
==Пайдаланылған әдебиеттер:==
<references/>
Қазақ ұлттық энциклопедиясы
[[Санат:Қазақстан табиғаты]]
[[Санат:Химия]]
{{stub}}
{{wikify}}
[[Санат:ХимияТабиғат]]