Фаррухру Парса

Фаррухру Парса (Farrokhroo Parsa, парсы: فرخ‌رو پارسا‎; 24 март, 1922 – 8 маусым, 1980)— Иран дәрігері, оқытушы, парламент мүшесі.

Амир Аббас Ховейда тұсында Парса Иранның білім министрі болған. Ол Иран әйелдер азаттық қозғалысының ашық қолдаушысы болған еді.

Фаррухру Парса 1980 жылы 8 маусымда Ислам мәдениет революциясы кезінде Теһранда өлім жазасына кесілді.

1979 жылы Иран елінде діншілдер төңкеріс жасау арқылы Аятолла Хаменей билікке келді. Осы төңкеріс орын алмастан алдын, Иран зайырлы жолға түскен мемлекет еді.

Осыған мысал, сол кезде Иран елінде Фаррухру Парса - дәрігер/врач, мұғалім/педагог бірінші әйел адам - білім министрі болды. 1963 жылы Иран парламентіне Парса сайланғаннан кейін, шах Пехлевиге петиция хатын жаза бастайды. Ол өз хатында Иран әйелдерінің сайлауға қатысып, дауыс беру құқығына ие болу туралы өтініш жасайды.

Парса 1968 жылы білім министрі болып тағайындалды.

Иран революциясы орын алған кезде, басын орамалмен жаппағаны үшін тұтқындалып, түрмеге қамалады. Билік басына жаңадан келген ислам билігі «жер бетіне күнә таратып, Аллаһты теріске шығарды және оны өзі мойындады» мыс деген жаламен үкім шығарылып, өлім жазасына кесілді.

Парса өлер алдындағы өз балаларына арнап ең соңғы жазған хатында «Мен - дәрігермін, сондықтанда өлімнен қорықпаймын. Зорлық-зомбылық арқылы басыма орамал тағып, масқара болып өмір сүргеннен, мен өлімді құшақ жая қарсы аламын. Кейбіреулер мені өз кінәсін мойындайды деп күтіп отыр. Мен әйел мен еркектің құқығы тең болсын деп күрескенім үшін, ешқашанда өзімді кінәлімін деп мойындап, ешкімнің алдында тізе бүкпеймін. Мен басыма чадра киіп, тарихқа кері қадам жасап, артқа кетуге дайын емеспін» деп жазды.

1980 жылы 8 мамырда ол үкім бойынша атылды.