Қазақстандағы COVID-19 пандемиясы: Нұсқалар арасындағы айырмашылық
Жаңа бетте: {{Оқиға | атауы = Қазақстандағы коронавирус пандемиясы | сурет = Kazakhstan COVID-19 cases map.svg | сурет атауы... |
(Айырмашылық жоқ)
|
13:12, 2020 ж. наурыздың 28 кезіндегі нұсқа
COVID-19 коронавирусты инфекциясын жұқтырған адамдар Қазақстан аумағында алғашқы рет 2020 жылдың 13 наурызында Нұр-Сұлтан (Астана) және Алматы қалаларында анықталды. 28 наурыздағы ресми статистикалық ақпаратқа сәйкес, Қазақстанда бұл індетті 204 адам жұқтырған, 14 адам сауыққан, бір адам қаза тапқан.
| Қазақстандағы коронавирус пандемиясы | |
 1-2 расталған жағдай 3-4 расталған жағдай 5-9 расталған жағдай 10-24 расталған жағдай 25-49 расталған жағдай 50-99 расталған жағдай | |
| Дата | 13 наурыз 2020 жыл |
|---|---|
| Орны | Ошақ: Алматы |
| Түрі | Жаңа коронавирус індеті |
| Себебі | SARS-CoV-2 |
| Шығын | |
| 28 наурыздағы мәлімет: Ресми расталған жағдайлар: 204 Ресми өлім саны: 1 |
|
өңдеу  |
|
10 наурызда БАҚ өкілдерімен болған конференцияда елдің бас сантиралық дәрігері Жандарбек Бекшин COVID-19 індеті Қазақстанда 11—16 наурыз аралығында пайда болуы мүмкін деген болжамды жариялады. 13 наурыз күні Алматы қаласында коронавирусты жұқтырған алғашқы адамдар анықталды. Германиядан ұшып келген екі Қазақстан азаматы — 1974 жылғы ер адам мен 1984 жылғы әйел адамнан COVID-19 табылды. Олардың біреуі елге 10 наурызда, екіншісі 12 наурызда ұшып келгені мәлім болды. 13 наурыз күні тағы да бір жағдай расталды — Мәскеу арқылы Миланнан (Италия) Нұр-Сұлтан қаласына ұшып келген әйел азаматтан коронавирус індеті анықталғаны белгілі болды.
Көп ұзамай COVID-19 Қазақстанның басқа аймақтарынан да табыла бастады. 20 наурызда коронавирус жұқтырған адам Қарағандыда, 21 наурызда Алматы облысының Қарасай ауданында, 22 наурызда Ақтөбе облысында, 24 наурызда Шымкентте, Жамбыл облысында және Солтұстік Қазақстан облысында анықталды.
15 наурызда Қазақстан президенті Қасым-Жомарт Тоқаев ел аумағында төтенше жағдай енгізу туралы жарлыққа қол қойды. Төтенше жағдай 16 наурыз сағат 8:00 бастап 15 сәуір сағат 7:00 дейін созылады. 19 наурызда Нұр-Сұлтан және Алматы қалаларында карантин енгізіліп, адамдардың бұл қалалардан шығуы мен кіруі шектелді. Үлкен сауда орындары жабылып, тек азық-түлік дүкендері мен дәріханалар өз жұмысын жалғастыруға мүмкіндік алды. 22 наурыздан бастап аталған қалалардан шығатын жолдар толығымен жабылды, әуе және теміржол қозғалысы тоқтатылды.
26 наурызда Нұр-Сұлтан және Алматы қалаларында екі пациенттің бұл індеттен сауыққаны белгілі болды. Сол күні елордада 64 жасар Қосшы ауылының (Ақмола облысы) тұрғыны коронавирустан Қазақстанда алғашқы болып қаза тапқаны туралы мәлімет жарияланды.