Қанат кәсіби музыкант, баянда ойнайды. Тараздағы Құрманғазы атындағы өнер мектебін бітірген. 9 сыныптан кейін Тараздағы гуманитарлық колледждің халық аспаптары бөліміне "баян" сыныбында бір жыл оқыған. Колледжде жүргенде құрамында баян мен екі домбырасы бар "Серілер" триосын құрған. Университетте "Бейбарыс" тобы құрамында ән айтқан. Әндері бір CD-табаққа енді. Университет қабырғасында "Жігіт сұлтаны" байқауының I-орын иегері атанды<ref name="BAQ.kz"/>.
Қанат Әуесбай қазақ тележурналистикасында тұңғыш болып Әуесбайдың Қанаты имиджік есімін қолданды. Сонымен қатар, ол ҚР Президентінің халықаралық «Болашақ» стипендиясымен оқыған тұңғыш журналист.<ref>{{cite web|url=https://www.inform.kz/ru/pervyy-zhurnalist-bolashakovec-o-zhizni-v-velikobritanii_a2982811 |title= Первый журналист-болашаковец - о жизни в Великобритании |author=КАЗИНФОРМ|authorlink=|publisher=КАЗИНФОРМ|accessdate=2016-12-24|date=2016-12-24}}</ref>. «Болашақ» бағдарламасының түлектері арасында тұңғыш болып қазақ және ағылшын тілдерінде "Батыс көрген. Ұлыбритания қазақтың көзімен - Looking west. A Kazakh'''’'''s view of Great Britain" кітабын Ұлыбританияда шығарды. Кітаптың тұсаукесері 2016 жылдың 15-ші желтоқсанында [[Кембридж университеті|Кэмбридж университетінде]] өтті. Тұсаукесер рәсіміне Кэмбридж университетінің профессор ғалымдары, Британиядағы қазақ студенттері қауымдастығы мен Қазақстан елшілігінің өкілі қатысты. Осыған байланысты ҚР Ұлттық Академиялық кітапханасында тұсаукесердің онлайн көрсетілімі ұйымдастырылды. Кітаптың Қазақстандағы таныстырылымы 2016 жылдың ҚР Тұңғыш Президенті — Елбасы кітапханасында өтті. Кітапта автор шетелдегі түрлі өмір салаларына өзінің публицистикалық көзқарасын суреттейді және Қазақстанмен салыстырады. Кітапта сонымен қатар тұрмыс ерекшеліктері, өмірлік қағидалары, жаһандану кезінде ағылшын тілін білудің маңызы, білім саласы мен БАҚ, жастар мәселесі және т.б. суреттеледі.
