Байзақ ауданы: Нұсқалар арасындағы айырмашылық

Б. а. қант қызылшасы мен биязы жүнді қой, оларға қосымша астық, етті-сүтті мал, көкөніс, бақша, құс, жылқы өсіруге және омарта шаруашылығына маманданып келген. Бұрынғы 9 ұжымшар, 4 кеңшар, 1 мал бордақылау бірлестігі, 2 құс ф-касы, 1997 жылдан әр түрлі саладағы шаруашылық субъектілеріне біріктірілген. А. ш-ның әр түрлі салаларында 1711 шаруашылық нысаны бар. Оның ішінде ӨК – 8, ЖШС-тер – 17, шаруа қожалықтары – 1686. Өнеркәсіптік кәсіпорындардың саны – 4, жол-құрылыс кәсіпорны – 1, көліктік кәсіпорындар – 3, коммуналдық шаруашылық кәсіпорны – 2, сауда және тұтыну кәсіпорындары – 1, әкімшілік-басқару органы және мекемелер саны – 26. Одан басқа банк, байланыс кәсіпорны, пошта, автоматтық телефон ст. (14), отын-энергет. кәсіпорындары (2) мен газ шаруашылықтары (2) т.б. бар. Шағын, жеке кәсіпорындар (229), базар, жанармай құю ст. (32), және 3 мыңға жуық автокөлік тіркелген (2001).

Әлеум. және мәдени-ағарту саласында Б. а-нда жалпы білім беретін 43 мектеп, 3 балабақша, 16 мәдениет үйлері мен клубтар, 20 кітапхана, стадион, 2 аурухана, емхана, 8 фельдш.-акушерлік пункт, 13 отбасылық-дәрігерлік амбулатория және 21 фельдш. пункттер халыққа қызмет істейді. Қоғамдық ұйымдардан: түрік мәдениет орт., корей мәдениет орт., әлеуметтік қорғау саласында «Парасат» қайырымдылық қоры, обл. «Қызыл крест» ұйымының бөлімшесі жұмыс істейді. Аудан аумағында 17 мешіт, 100-ден астам сәулеттік, археолог.-тарихи ескерткіштер орналасқан. Ауданда жол торабы жақсы дамыған. Жолдардың жалпы ұз. 636 км, оның ішінде қатты жабындымен (асфальтты) 334 км жол төселген, қиыршық тасты жолдың ұз. 114 км. Аудан орт. – Сарыкемер а-нан Таразға қ-на дейінгі қашықтық 12,5 км-ді құрайды.

 

==Пайдаланылған әдебиет==