Бағдат Сәмидинова

Сәмидинова Бағдат (5.2. 1954 жылы туылған, Меркі ауданы Ақмарал ауылы) – әнші, Қазақстан Республикасының еңбек сіңірген әртісі. Батыр Сыпатай атындағы мектепті бітіргеннен кейін, Алматыдағы эстрада студиясын (халық артисі, профессор Н.Шәріпованың класы бойынша) бітірген (1975), әл-Фараби атындағы Қазақ мемлекеттік университетін бітірген (1989). 1976 жылы Қазахконцертте әнші. 1981 жылы республикалық «Жігер» фестивалінің лауреаты атанды, Қырғыз Республикасының астанасы Бішкек қаласында өткен А.Малдыбаев атындағы халықаралық өнер жарысының жеңімпазы. «Сазген» ансамблінің құрамында Италияда өткен фольклорлық фестивальдың Гран-при жүлдесін жеңіп алған. Сәмидинова концерттік бағдарламамен әлемнің көптеген елдерінде болып келеді. Медальдармен, «Құрмет» грамоталарымен марапатталған.

Сілтеме

Тараз энциклопедиясы