[[Сурет:Keal.jpg|thumb| alt=A.| ''Кестльдің салған суреті'']]'''Кэстль Джон''' (туған-өткен жылы белгісіз) – [[Ресей|Ресейде]] қызмет еткен ағылшын суретшісі. [[Қазақстан|Қазақстанды]]ды зерттеген. Кэстль Ресейде қызметте жүріп, 1734–37 жылдары Орта [[Азия]] мен Қазақстанның этнологиясы, географиясы мен экономикасын зерттеу мақсатында [[Орынбор|Орынборға]] барған И.К.[[Кириллов]] экспедициясына қатысты. Сол сапарында орыс әкімш-нде аманатта жүрген Әбілқайырдың баласы Ерәлі сұлтанмен танысқан. Содан кейін Орынбордан Кіші жүз жеріне, Әбілқайыр хан ордасына көшіп барған. Өзінің тілмәші [[Дитрих Люторос]] және А.И.[[Тевкелев|Тевкелевтің]] қызметкері Құлбаймен бірге 1736 жылдың маусымынан шілде айына дейін [[Арал теңізі]], [[Жайық]] өзеңі төңірегін зерттеп, [[Самара]] мен Симбирск қалаларында болған. Кэстльдің [[қазақстан]]дық отан [[тарих|тарихында]]ында елеулі орын алатын құнды еңбегі «1736 жылы Кіші жүз ханы Әбілқайырға барып қайтқан сапар туралы» деп аталады. Онда [[Әбілқайыр]] хан мен оның әйелі Бопай, баласы Ерәлі сұлтан, атақты Күдері батыр портреттері, т.б. [[адам|адамдар]], қазақтардың жайлауға көші, т.б. сипатталып берілген. Сондай-ақ башқұрт-[[қазақ]]-жоңғар қарым-қатынастары жөнінде де айтылады. Еңбек 18 ғ-дың ортасындағы қазақ халқының әдет ғұрпы мен билік жүйесі, табиғат байлығы жайлы мағлұматтар қалдырып, ел тарихын тереңдете пайымдауға мүмкіндік берді.<ref>[[Қазақстан Республикасының Ғылым Энциклопедиясы]]</ref>
