[[File:Milvus_migrans_govinda.jpg|thumb| alt=A.| ''[[Кезқұйрық]]''.]] '''Кезқұйрық'''(Mіlvus mіgrans) – [[сұңқартәрізділер отряды]] [[қаршыға тұқымдасы|қаршыға тұқымдасына]] жататын [[жыртқыш құс]]. [[Қазақстан|Қазақстанда]] кең тараған (тек [[орман|ормансыз]] [[жазықтар]] мен өте биік [[тау|таулы]] аймақтарда кездеспейді). Шәулісінің қанатының ұзындығы ''41 – 51 см'', құйрығының ұзындығы ''25 – 28 см'', ұябасары[[ұябасар]]ы сәл ірілеу. Салмағы ''1000 г''-ға жетеді. Басқа жыртқыш құстардан айырмашылығы: құйрығының ұшы айыр. Ол әсіресе қалықтап ұшқанда жақсы байқалады. Арқасы қара қоңыр, қоңыр сұр түсті, басы ақшылдау, ал бауыры – ұзына бойына орналасқан қара дақты, сарғыш қоңыр. Ұшып жүргенде қанат астындағы ақ дақ жақсы көрінеді. Жас құстардың реңі басқаша: қауырсындары бурыл, денесі қызғылт қоңыр теңбілді және құйрық қанаттарының ұшы ақ. Кезқұйрық – жыл құсы. [[Наурыз|Наурызда]] [[Қазақстан]] аумағына ұшып келеді. [[Сәуір|Сәуірдің]] ортасында [[ағаш]] басына (негізінен еменнің), жартасқа ұялайды. Ондағы 2 – 3 жұмыртқаны ұябасары 30 күндей шайқайды. Балапандары 45 күннен кейін ұядан ұшады. [[Тамыз|Тамыздың]] аяғы – [[қыркүйек|қыркүйектің]] басында топталып, жылы жаққа – [[Африка]] мен [[Оңтүстік Азия|Оңтүстік Азияға]] ұшып кетеді. Әлсіз жыртқыш болғандықтан негізгі қорегі – [[жануарлар]] өлексесі, ұсақ [[кемірушілер]], [[тауықтәрізділер]] мен [[су]] құстарының балапандары, [[кесірткелер]], [[жыландар]], [[бақалар]], [[су]] бетінде қалқып жүрген өлі [[балықтар]], [[моллюскілер]]. Өлексені, т.б. қалдықтарды, зиянды кемірушілерді[[кемірушілер]]ді жеп пайда келтіреді.<ref>[[Қазақ Энциклопедиясы]]</ref>
