Сорокий үйі

Сорокин үйі – Кеңес Одағының Батыры Сорокин Андрей Алексеевич (1905 – 44) тұрған (1937 – 42) Тараз қаласындағы М.Жәлил атындағы көшедегі ғ42 үй. 1942 жылы майданға аттанған ол артиллериялық расчеттың көздеушісі болып Украин майданы 144- Гвардиялық полк құрамында соғысты. 1944 жылы 27 қазанда Венгрияның Галамбоше станциясындағы болған кескілескен ұрыста қаза тапты. Венгрияның Ясен-Тласло дер-нда туысқандар зиратына қойылған Сорокин есімі Тараз қант зауыты жұмысшыларының тізіміне мәңгі жазылған. Сорокин тұрған үйдің ауласында 1975 жылы 9 мамыры – Жеңіс Күнінде бетоннан трапеция тәрізді тұғыр жасалынып, оған батырдың аты-жөні, туған, өлген жылдары көрсетілген ескерткіш тақта орнатылды. Сорокин есімімен Тараз, Галамбоше қалаларында көшелердің аттары аталған, Иркутск қаласындағы ескерткіш тақтада да оның есімі мәңгілікке қалдырылып жазылған.

Сілтеме

Тараз энциклопедиясы