Ләззат Кемербекқызы Байболова

Ләззат Кемербекқызы Байболова(19.1.1967 жылы туылған, Алматы қаласы) – инженер-технолог, техника ғылымның докторы (2007). Жамбыл технол. институтының Алматы бөлімшесін қоғамдық тамақтанудың инженер-технологы мамандығы бойынша (1989, қазіргі Алматы технологикалық университеті) бітірген. Алматы қаласындағы көпшілік тамақтану кәсіпорындарында инженер-технолог (1989–1994), Алматы технология университетінде оқытушы, доцент (1994–2008) болды. 2009 жылдан Қазақ ұлттық аграрный университетінде бас ғылыми хатшы қызметтерін атқарады. «Бүтін үлесті және комбинирленген ет өнімдері технологиясының ғылыми-практикалық негіздері» деген тақырыпта докторлық диссертация қорғаған. Байболова 130-дан астам ғылыми еңбектің, оның ішінде 7 өнертабыс пен 3 патенттің авторы.