Өмірбек Байгелді: Нұсқалар арасындағы айырмашылық

Қос палаталы [[Парламент]] Сенатының төрағасы болған төрт жылда ([[1995 – 1999]] жылы) адалдық пен адамгершілікті ардақ тұтып, биік парасаттық пайыммен бітім-тұлғасы жинақы, барлық [[әлеуметтік]] өлшемдер бойынша өкілді әрі жұмысқа қабілетті заңдар шығаруға басшылық жасады. Нарықтық экономиканың, [[рухани]]-әлеум. саланың құқықтық негіздері жасалынды. [[Сенат]] заң шығару органы болып қалыптасты.

Байгелді елімізде [[парламентаризм]] мен [[демократия|демократияның]] дамуына өзіндік елеулі үлес қосты. [[Заң]] шығару процесінде депутаттардың жергілікті немесе топтық мүдделердің емес, мемлекеттік, халықтық мүдделердің басымдығына назар аудару қағидатын қалыптастыра алды. Байгейлді [[Еуропа|Еуропадағы]] қауіпсіздік және ынтымақтастық жөніндегі ұйымның Парламенттік Ассамблеясында, ТМД елдерінің Парламентаралық Ассамблеясында биік мінбеден еңсесін көтеріп келе жатқан егемен еліміздің намысын қорғап, тереңге бойлай тартатын энциклопедиялық білімімен өзгелерді әр уақытта сөзсіз иландырып отырды. Қазақ елінің тектілігін, асылдығын, өнерлі халық екендігін, әдет-ғұрпын, салт-санасын, тілін, дінін, тарихының арғы-бергісін әрдайым зерттеп толық білетін азамат. Еңбегі елеусіз қалған жоқ. «[[Халықтар достығы]]», «[[Еңбек Қызыл Ту]]», «[[Құрмет]]», «[[Парасат]]» ордендерімен және медальдармен марапатталды. Ол [[Жамбыл]] облысынының құрметті азаматы ([[2002]]).