Жолбарыс Қалшораев ауылы

Интернациональное – Мақтаарал ауданындағы ауыл, Достық ауылдық округ орталығы. Аудан орталығы – Жетісай қаласынан оңтүстік-шығысқа қарай 15 км жерде орналасқан. Тұрғыны 2,6 мың адам (2003). Іргесін 1949 жылы Қаратас (Қазығұрт) ауданынан қоныс аударушылар қалап, 1950 жылы Абай атындағы мақта ұжымшарын құрды. Түркістан, Ленгер (Сайрам) аудандарынан, Ақтөбе, Жамбыл облысынан көшіп келгендер 1954 жылы Абай атындағы мақта өсіретін ірі ұжымшарға бірікті. Ұжымшар негізінде ӨК, шаруа қожалықтары ұйымдастырылған. Ауылда орта мектеп, мәдениет үйі, мешіт, фельдш.-акушерлік пункт, кітапхана, т.б. мекемелер жұмыс істейді. Cоциалистік Еңбек Ерлері Ә.Нарбаев, Ж.Қалшораев осы ауылдан шыққан.