Иммунитет: Нұсқалар арасындағы айырмашылық

{{мағына|Иммунитет (мағыналары)}}

'''Иммунитет''' (латынша ''іm-munіtas'' – босап шығу, арылу, құтылу) немесе '''Төтемелілік''' — [[организм]]нің антигендік қасиеттері бар жұқпалы және жұқпалы емес бөгде заттарды, [[жұқпалы аурулар]] қоздырғышын немесе олар бөліп шығаратын кейбір улы заттарды қабылдамаушылық қасиеті және оларға қарсы тұру қабілеті. Иммунитет – көрінісі мен механизмі бойынша әрқилы болып келетін жалпы жоғары сатыдағы [[организм]]дерге (адамдар, [[жануарлар]], [[өсімдіктер]]) ортақ [[биология]]лық қасиет. Организмнің бұл қасиеті оның жеке басының тіршілік ортасына бейімделу ерекшеліктерімен тікелей байланысты. Иммунитет кезінде организмде аса күрделі биологиялық процестер жүріп, организмнің қорғаныштық қасиеті арта түседі. Соның нәтижесінде түрлі зиянды [[микроорганизмдер]]ді, олардың уларын, т.б. бөгде заттарды ыдыратып, бейтараптап жойып жіберетін қабілеті күшейеді.

 

Адам иммунитеті сыртқы орта және әлеуметтік жағдайларға, адамның жасына және жынысына байланысты болады. Адамның дене қызуы көтерілуі, салқынға шалдығуы, шамадан тыс қатты шаршауы, қайғы-қасіретке ұшырауы, ауыр жарақат алуы, әртүрлі ауруларға (әсіресе, эндокринді) шалдығуы, дұрыс тамақтанбауы, [[витаминдер]] және кейбір химиялық [[микроэлементтер]]дің, [[фосфор]], [[кальций]] тұздарының жетіспеушілігі – организмде иммунитеттің жақсы түзілуін тежейді.<ref>О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова, Аурудың алдын алу және сақтандыру бойынша орысша-қазақша терминологиялық сөздік, Шымкент. “Ғасыр-Ш”, 2005 жыл. ISBN 9965-752-06-0</ref>

 

 

{{wikify}}

{{stub}}