Қазыбек Жарылқасынұлы Иса

Қазыбек Жарылқасынұлы Иса (1962 жылы туған, Мақтарал аудан(ы) Бірінші май ауылы) – ақын. Қазақ педагогикалық институтының көркемсурет-графика факультетін бітірген (1984). 1984 – 2000 жылдары «Қызылқұм» орта мектебінде мұғалім, «Жас қазақ» газетінің бөлім меңгерушісі, «Өркен» газетінің бөлім редакторы, «Қазақпарат» баспа-корпорациясының вице-президенті қызметтерін атқарды. 2000 жылы мамырдан «Жас қазақ үні» газетінің бас редакторы, «Жас қазақ» ЖШС-нің бас директоры. Ақынның жырлары «Аудитория»(1984) «Тоғыз перне» (1988) атты ұжымдық жинақтарға енген. 1996 жылы «Керімсал» деген жеке кітабы шықты. Иса 1998 жылғы республика Президенті стипендиясының иегері, Қ.Сәтбаевтың 100 жылдығына байланысты өткен мүшәйраның бас жүлдегері, Түркістанның 1500 жылдығына орай өткен халықар. мүшәйраның жүлдегері.