Ең төмен жалақы

Ең төмен жалақы – кез келген меншік нысанындағы кәсіпорындарда ең аз айлық мөлшерлеме немесе сағаттық ақы төлеу түріндегі еңбек ақының мемлекет ресми белгілеген ең төмен деңгейі; жалдаушы қызметкерге орындалған жұмыс үшін ақшалай немесе заттай төлейтін төлемдердің ең төмен деңгейін айқындайтын норматив. Оның мөлшері ең төмен деңгейдегі тұтыну бюджетін басшылыққа ала отырып айқындалады және белгіленген тәртіппен бекітіледі. Ұжымдық шарттарда‚ келісімдерде оның неғұрлым жоғары мөлшері көзделуі мүмкін. Ең төмен жалақы еңбекке ақы төлеудің‚ зейнетақының‚ шәкіртақының‚ жәрдемақы мен басқа да әлеуметтік төлемдердің мөлшерін айқындау үшін негіз болып табылады.