Бегділдә Әйділдәұлы Алдамжаров

АЛДАМЖАРОВ Бегділдә Әйділдәұлы (3.4.1946 ж. т., Қазалы ауд. ғ99 т. ж. айырмасы) – ақын, жазушы. ҚазМУ-дың (ҚазҰУ) филология факультетін бітірген (1970). Алғашқы өлеңдері 1960 ж. «Сәт сапар» деген атпен респ. жастар газетінде жарық көрген. Әр жылдары «Лениншіл жас» (қазіргі «Жас алаш») газетінде «Жазушы» баспасында, Қазақ теледидары музыка редакциясында қызмет істеген. Қазір «Жұлдыз» журналының бөлім меңгерушісі. Төл туындыларынан басқа Ә.Фирдоусидің «Шаһнама» эпопеясының «Мәнушеһір» (1973) және «Кей Хосроу» (1976) дастандарын, грузин ақыны О.Челидзенің балаларға арналған «Алхан мен Шалхан» атты дастанын (1971) қазақ тіліне аударды. «Қара нөсер» (1981), «Жықпыл» (1985), «Ұлы сел» атты төрт томдық тарихи романының алғашқы екі кітабы (1988, 1992) жарық көрген. Сонымен қатар А.Пушкин, А.Блок, П.Неруда, Е.Евтушенко, Б.Ахмадуллина, А.Вознесенский, т.б. ақындардың өлеңдерін қазақ тіліне аударған.

• Шығармалары: Нөсер, А., 1968; Жыл мезгілдері, А., 1969; Айлы түндер, А., 1970; Нұр мен түнек, А., 1973; Іздедім сені, А., 1977; Қара нөсер, А., 1981; Мизам айы, А., 1983; Жықпыл, А., 1985, Ұлы сел, А., 1988, 1992.

Пайдаланылған әдебиеттер

"Қазақ Энциклопедиясы"