Ұлбала Алтайбаева: Нұсқалар арасындағы айырмашылық

Content deleted Content added
Жаңа бетте: '''АЛТАЙБАЕВА Ұлбала''' [3.1. 1923 ж. т., Шиелі ауд. Керделі (қазіргі Еңбекші) а.] – еңбек ардагері. Соц. ...
(Айырмашылық жоқ)

17:12, 2011 ж. маусымның 22 кезіндегі нұсқа

АЛТАЙБАЕВА Ұлбала [3.1. 1923 ж. т., Шиелі ауд. Керделі (қазіргі Еңбекші) а.] – еңбек ардагері. Соц. Еңбек Ері (1972), Күріш атасы Ы.Жақаев шәкірттерінің бірі. Еңбек жолын соғыстан бұрын бастаған ол 17 жасынан еңбекке белсене араласқан. Алтайбаева 1940 – 67 ж. Керделі ауылдық кеңесінде мұраб көмекшісі, мұраб, 1967 – 70 ж. Жаңақорған ауданының Сунақата ауылында, 1970 жылдан Шиелі ауданының Гигант ауылында күріш өсіруші, т.б. түрлі қызметтер атқарған. Ұстазының күріш өсірудегі озат үлгісі мен ғылымдағы озық жетістіктерді шебер қолдана отырып, диқаншы ретіндегі өзіндік тәжірибесін жетілдіре, шеберлігін шыңдай түскен ол 1971 ж. күріштің әр гектарынан 72,7 ц, 1972 ж. 109,3 ц, 1973 ж. 107 ц өнім алды. Ол 1974 ж. 9-сайланған КСРО Жоғарғы Кеңесінің депутаты болды. 1976 жылдан жүгері өсіріп, егістіктің әр гектарынан 190 ц-ге дейін өнім алды. Ленин, 1,2,3-дәрежелі «Ана даңқы» және «Ардақты ана» ордендерімен, бірнеше медальдармен марапатталған. Алтайбаева жайында 1975 ж. деректі фильм түсірілген, Ә.Тәжібаев, С.Мәуленов, т.б. ақындар оған жыр арнаған, ол жайында деректі повесть жазылған.

Пайдаланылған әдебиеттер

"Қазақ Энциклопедиясы"