'''ГАЛИТГалит''' тас тұзы, ас тұзы – ''[[хлорид|хлоридтер]] класының [[минерал|минералы]].'' Хим. формуласы NaCl. Кубтық сингонияда кристалданып, түйіршік масса, қабыршақ, талшық пішінді агрегаттар түзеді. Г. мөлдір, түссіз ақ, кейде түрлі түсті болады, көбінесе [[сильвин|сильвинмен]] бірге кездеседі. Қатт. 2, менш. салм. 2,1 – 2,2 г/см3, шыныдай жылтыр. Шөгінді жыныстар арасында Г-тің қалың қабаттары кездеседі. Ол климаты ыстық, қуаңшылық аймақтардағы су алаптарында (шығанақ, көл) өздігінен тұнады. [[Қазақстан|Қазақстанда]] Г-тің ірі кендері [[Каспий]], [[Арал]] т-дері маңында бар. Г. тамақ өнеркәсібінде, қара металлургияда [[күкірт]] қоспаларын жою үшін, инертті газдарды ([[гелий]], [[неон]], [[аргон]], т.б.) тазартқыш ретінде, электртехникада [[натрий]] құрамды сымдар жасауда пайдаланылады.