Индер (тау): Нұсқалар арасындағы айырмашылық

Content deleted Content added
Жаңа бетте: '''Индер''', ''Дендер, Індер'' – Каспий ойпатында, Жайық өзенінің сол жағында [[Инд...
(Айырмашылық жоқ)

00:19, 2011 ж. маусымның 23 кезіндегі нұсқа

Индер, Дендер, ІндерКаспий ойпатында, Жайық өзенінің сол жағында Индер көлінің солтүстігінде орналасқан аласа тау.

Атырау облысының Индер ауданы аумағында, солтүстік жазық бөлігі Батыс Қазақстан облысының Ақжайық ауданына қарайды. Индер тауы солтүстік-батыстан оңтүстік-шығысқа қарай 25 – 27 км-ге созылып жатыр, енді жері 10 км-дей. Абсолют биіктігі 52 м. Таудың негізі пермь кезеңінің тұзынан, гипсінен, гипсті-мергельді тақтатасынан түзілген. Көлге қарайтын оңтүстік беткейі жарқабақты, тілімденіп келген. Солтүстік жазық бөлігінде үйінді көне тас қорымдары кездеседі. Етегінде көлге құятын көптеген минералды бұлақ көздері, ал қиыр шығысында тұщы сулы құдық (Алтықұлаш) орналасқан. Тау беткейлерінде, негізінен, боз, жусан, т.б. шөлдің сораң шөптері өскен. Бұл өңірде кезінде тұз қабаттарының мыңдаған жылдар бойы кебуінен пайда болған өте бағалы борат кені бар.[1]

Сілтемелер

  1. Қазақ энциклопедиясы, 4-том