Виктор Мозес: Нұсқалар арасындағы айырмашылық

Виктор Мозес [[Нигерия|Нигерияда]] дүниеге келген. Мемлекеттегі діни көтерілістерден соң ата-анасынан айрылды да, асырап алған отбасымен бірге [[Англия|Англияға]] көшіп өтті. Футбол мектебінде оқып жүріп ең әуелі "[[Кристал Пэлас (футбол клубы)|Кристалл Пэлас]]" селекционерлерінің көзіне түсіп, 11 жасында сол клубтың академиясына қабылданды.

Карьерасын "Кристалл Пэластың" жастар клубында бастады. 2007 жылы 6 қаңтарда бірінші рет кәсіпқой футболшы ретінде алаңға шықты. Алғашқы добын 2008 жылдың қысында соқты. Сол маусымда-ақ негізгі құрам ойыншыларының біріне айналып, 2010 жылы қаңтарда "[[Уиган Атлетик|Уиган Атлетикке]]" ауысты.

2012 жылы оны "Челси" сатып алды. Алайда, 2016 жылға дейін "[[Ливерпуль (футбол клубы)|Ливерпуль]]", "[[Сток Сити]]", "[[Вест БромбичХэм Юнайтед|Вест Хэм]]" секілді клубтарға жалға беріліп, лондондық клубта мүлдем ойнаған жоқ. 2015 жылы "[[Челси (футбол клубы)|Челсимен]]" келісім шартын 2019 жылға дейін ұзартты.

2019 жылы қаңтар айында "[[Фенербахче (футбол клубы)|Фенербахчеге]]" жалға берілді.

2020 жылы қаңтарда "[[Интернационале|Интернационалеге]]" жарты жылға жалға берілді. Қыркүйекте "Челсиге" қайта оралды. Қазан айында қайтадан Мәскеудің "[[Спартак (футбол клубы, Мәскеу)|Спартагына]]" жалға кетті.

Виктор Англияның түрлі жастағы құрамасында ойнап шықты. Бірақ 2011 жылы тарихи отаны Нигерияны таңдады. Ол жастар құрамасында ойнағандықтан, бірден Нигерия сапында алаңға шыға алған жоқ, ФИФА-ның рұқсатын күтті. 2011 жылы 1 қараша күні ФИФА [[Нигерия Ұлттық футбол құрамасы|Нигерия құрамасында]] доп тебуге рұқсат берді.