Желкенді кеме: Нұсқалар арасындағы айырмашылық

'''Желкенді кеме''' — [[жел энергиясы|жел энергиясымен]] қозғалатын [[кеме]]. [[Жел қысымы]] діңгектерге керілген [[желкен|желкенмен]] қабылданып, кеменің [[корпус|корпусына]] беріледі. Желкенді кемеге 1-ден 7-ге дейін діңгек орнатылып, оларға әр түрлі желкендер керіледі. Желкенді кемелер онда орнатылған діңгектер санымен және желкен жабдықтарының түрлері бойынша ажыратылады. Тік желкенді кемеге корабль (кеме), [[барк]] және [[бриг]] жатады. Қиғаш желкенді кемеге 2 діңгекті [[шхуна]], [[кэч]], [[иол]], ал жалғыз діңгектіге — [[тендер]], [[шлюп]], т.б. жатады. Баркентина, бригантина Желкенді кемелер аралас желкенді кеме тобына жатады. Желкенді кеме алғаш рет бұдан 5 — 6 мың жыл бұрын [[Мысыр|Мысырда]] және [[Месопотамия|Месопотамияда]] пайда болып, кейінірек Қытайда, ШыысШығыс Азияда, Океанияда және [[Оңтүстік Америка|Оңтүстік Америкада]] дами бастады. 19 ғасырдың орта кезінде жылдам жүзетін мұхиттық желкенді кеме — клипер жасалды. Кейбір желкенді кеменің жылдамдығы 39 км/сағ-қа жетіп, 1000 тоннаға дейін жүк көтерді. [[Бу машинасы|Бу машинасының]] шығуы желкенді кемені бу кемесімен алмастыруға мәжбүр етті. Содан бастап олар көп пайдаланбайтын болды. Қазіргі кезде желкенді кеме [[спорт|спорттық]], оқып-үйрену, т.б. мақсаттарда пайдаланылады. Соңғы кезде жанармай бағасының өсуіне және қоршаған ортаны қорғау талаптарына байланысты желкенді кемелердің жаңа жобалары жасалып, бірқатар коммерциялық желкенді кемелер жасалынды.

[[Санат: Теңіз терминдері,]]
[[Санат:Желкенді кемелер]]