[[File:Potentilla-aurea-160606-1.jpg|thumb|Potentilla-aurea-160606-1]]'''ҚАЗТАБАН'''([[Potentіlla]]) – [[раушангүлділер тұқымдасы|раушангүлділер тұқымдасына]] жататын көп жылдық шөптесін өсімдіктер туысы. Бір-екі жылдығы өте сирек кездеседі. Негізінен Сол түстікСолтүстік жарты шарда кездесетін 300-ге жуық түрі белгілі. Олардың ішінде көпшілік түрі – [[сәндік өсімдіктер]]. Қазақстанның биік таулы аймақтарында орман-тоғай шетінде, далалы жерлер мен шалғындықта, су жағасында өсетін (тек шөлді жерде өспейді) 48 түрі бар. Олардың биіктігі 3 – 70 см. [[Тамыры]] жуан, тамырсабағы түйнек тәрізді болады. Сабақтары тік, кейбір түрлерінде төселмелі келеді. Жапырақтары үшқұлақты, [[саусақ салалы]], [[қауырсын]] тәрізді күрделі. Ақ, сары, қызыл гүлдері қалқанша – [[сыпыртқы гүлшоғыры|сыпыртқы гүлшоғырын]] құрайды, кей түрлерінде жеке орналасады. Гүліндегі тостағанша жапырақшалары 5 немесе 4-тен сыртқы және ішкі шеңбер құрып орналасады. Күлте жапырақшаларының саны 5, кейбір түрінде – 4. Аталық саны 10-нан 30-ға дейін, басым бөлігінде 20. Аталық жіпшелері біз тәрізді жіңішке. Гүл табаны дөңес, ойыс келеді. Көктемнен қоңыр күзге дейін гүлдейді. Жемісі – құрғақ келген, көп жаңғақша. Қазтабанның шөбінде, әсіресе, [[түйнек]] тәрізді тамыр сабағында илік заттар мол, [[балауыз]], [[крахмал]], [[қына қышқылы]] бар. [[Қазтабан]] – дәрілік өсімдік, оның суда дайындалған тұнбасын тырыспаға, ішек түйілгенде және асқазан ауруларына қарсы қолданады. Сондай-ақ сіңір тартылғанда, тері ауруларына қарсы ванна немесе [[компресс]] жасауға болады. Жапырақтары мен жас өркендерін үй құстарына жем ретінде береді.
