'''АРАЛДЫ ҚҰТҚАРУ ЖӨНІНДЕГІ НҮКІС КОНФЕРЕНЦИЯСЫ''' – [[Қазақстан ]]мен [[ОрталығыОрталық Азия]] мемлекеттері: [[Қырғызстан]], [[Тәжікстан]], [[Түрікменстан]], [[Өзбекстан]] республикалары басшыларының шешімімен 1993 ж. тамызда Нүкіс қаласында өткізілген бірлескен мәжіліс. Онда Аралды құтқару халықаралық қоры мен Арал теңізі айдынының мәселелері жөніндегі Кеңестің теңізді құтқару және аймақты эколог. сауықтыру тұжырымдамасы, сондай-ақ практикалық іс-қимылдар бағдарламалары қаралды. Мәжілістің жұмысына БҰҰ-ның мамандандырылған мекемелерінің (ЮНЕП, Дүниежүзілік денсаулық сақтау ұйымы, ФАО, ЭСКАТО, Әлем банк) өкілдері қатысты. Аталмыш мемлекеттің басшылары бірлескен хат жазып, БҰҰ-ның, сондай-ақ, әлемдік қауымдастықтың назарын Арал теңізінің барған сайын құрғай түсіп, оған жалғас жатқан аумақтардың шөл далаға айнала бастауына, тұзды шаңдақтың желмен ұшып, қоршаған ортаны азып-тозуға ұшыратып отырғанына, экол. апаттың шекарасы үздіксіз ұлғая түсіп, санитарлық-індеттік жағдайдың күрт шиеленіскеніне, Арал дағдарысы өзінің ауқымы мен зардабы жағынан ғаламдық эколог. апатқа айналып отырғанына аударды. Бұл қасіретке БҰҰ-ға мүше елдерді, ізгі ниетті барша халықты Арал өңірінде тұратын адамдардың экологиялық қауіпсіздігін қамтамасыз етуге, Арал теңізін құтқару жобалары мен бағдарламаларын жүзеге асыруға қолдау көрсетуге, оның айдынындағы табиғи ортаны сауықтыру жөнінде белсенді шаралар қолдануға шақырды.
