Құлпынай: Нұсқалар арасындағы айырмашылық

'''Құлпынай'''<ref name="source1">“Қазақ Энциклопедиясы”, VI-том</ref> ([[Латын тілі|лат]]. Fragarіa moschata) – [[Раушангүлділер|раушангүлдер]] тұқымдасына жататын [[Көп жылдық өсімдіктер|көп жылдық]] [[Шөптер|шөптесін өсімдіктер]]. Кейбір мәліметтер бойынша құлпынай бүлдіргеннің екі түрінің [[будан]]ы болып саналады. Биіктігі 30 – 35 см, [[Жапырақ|жапырағы]] үш тармақты, ірі, ашық жасыл, қалың түпті. Гүл [[Сабақ (биология)|сабақ]]тары жапырақтардан биік орналасады, гүлі ақ, дара жынысты. ''Жемісі'' – жидек, тәтті, хош иісті. Мамырда гүлдеп, маусымда жеміс береді. Құлпынай суыққа төзімді, бірақ ұзақ уақыт болатын суықта, әсіресе, қарсыз жылдары түптері үсіп кетеді. Құрғақшылыққа төзімсіз, көлеңкелеу жерде жақсы өседі. [[Жеміс]] беруі бүлдіргенге қарағанда төмен. Құлпынайдың Шпанка, Миланская, Гүлжан, т.б. сорттары бар. Жабайы құлпынай [[Испания]], [[Италия]], т.б. Еуропа елдері аумақтарында кездеседі.