Жылу өткізбеу

Қысқаша мәлімет

ЖЫЛУ ӨТКІЗБЕУ, жылулық оқшаулау – өндірістік және тұрғын үйлерді, өнеркәсіптік жылулық қондырғыларды, тоңазытқыш камераларын, құбырларды, т.б. қоршаған ортамен орынсыз жылу алмасуынан қорғау. Ж. ө. арнаулы қоршау құрылғылары (қаптамалар, жабындар), жылу өткізбейтін материалдар арқылы жүзеге асырылады. Ж. ө. технол. құралдар үшін белгіленген темп-ралық режимді қамтамасыз етумен қатар өндіріс пештерінің жылу қуатын арттыруға, технол. процестерді тездетуге, тоңазытқыш аппараттарға жұмсалатын қуатты азайтуға жағдай жасайды. Ж. ө-ді құрылыста қолдану қоршау құралымдарының қалыңдығын азайтуға, құрылыс материалдарын (кірпіш, цемент, ағаш, металл) үнемдеуге, ғимараттардың салмағы мен бағасын төмендетуге мүмкіндік туғызып, құрылыс технологиясын жетілдіруге көмектеседі, үйлердің сан.-гигиеналық жағдайын жақсартады.